راولپنڈی ( کرائم ڈیسک ) راولپنڈی پولیس نے قانون شکن عناصر کے خلاف کارروائی کرتے ہوئے 06ملزمان کو گرفتار کرکے ان سے پتنگیں،گیس سلنڈرز،کھلا پیٹرول اوردیگر آلات ریفلنگ برآمدکرلیا۔
پولیس کے مطابق وارث خان پولیس نے ملزم عاصم سے 30پتنگیں اور ڈور،ویسٹریج پولیس نے ملزم فہد سے 20لیٹر کھلا پیٹرول،نصیرآباد پولیس نے 02ملزمان کاشف اورشہنشاہ سے 03سلنڈر اور دیگر آلات ریفلنگ،ریس کورس پولیس نے ملزم حاشر سے آلات ریفلنگ،مورگاہ پولیس نے ملزم جمشید سے آلات ریفلنگ برآمد کرکے ملزمان کے خلاف الگ الگ مقدمات درج کرلیے۔ڈویژنل ایس پیز کا کہناتھاکہ قانون شکنی کے ذریعے شہریوں کی جانیں خطرے میں ڈالنے والے ملزمان قانون کی گرفت سے نہیں بچ سکتے۔
