راولپنڈی ( کرائم ڈیسک ) تھانہ دھمیال پولیس نے کارروائی کرتے ہوئے سنیچنگ کی وارداتوں میں ملوث 02 رکنی گینگ کو گرفتارکرکے مسروقہ رقم 44 ہزار روپے، چھینا گیا موٹرسائیکل اور اسلحہ برآمد کرلیا۔
پولیس کے مطابق تھانہ دھمیال پولیس نے کارروائی کرتے ہوئے سنیچنگ کی وارداتوں میں ملوث02رکنی گینگ کو گرفتارکرلیا۔ گرفتار ملزمان میں عثمان اور فیاض شامل ہیں،ملزمان سے مسروقہ رقم 44 ہزار روپے، چھینا گیا موٹرسائیکل اور اسلحہ برآمدہوا۔ملزم عثمان زیادتی کے مقدمہ میں اشتہاری مجرم بھی ہے،ملزمان متعدد وارداتوں میں سابقہ ریکارڈ یافتہ ہیں،ملزمان کو شناخت پریڈ کے لیے جیل منتقل کیا جا رہا ہے۔
