راولپنڈی(کرائم ڈیسک) صادق آباد پولیس نے کارروائی کرتے ہوئے سابقہ رنجش پرشہری کو قتل اور اس کے بیٹے کو زخمی کرنے والی2ملزمان کوگرفتارکرلیا۔
تفصیلات کے مطابق صادق آباد پولیس نے کارروائی کرتے ہوئے سابقہ رنجش پر شہری کو قتل اور اس کے بیٹے کوزخمی کرنے والی2ملزمان ظہور اورسفیان کو گرفتارکرلیا، ملزمان نے فائرنگ کرکے اشفاق کو قتل جبکہ خنجرکے وار سے مقتول کے بیٹے منصور کو زخمی کیا تھا، واقعہ کا مقدمہ مقتول کے بیٹے کی مدعیت میں تھانہ صادق آباد میں درج کیا گیا تھا، ملزمان کے دیگر ساتھیوں کو بھی گرفتار کیا جائے گا۔
ایس پی راول فیصل سلیم نے کہاکہ ملزمان کو ٹھوس شواہد کے ساتھ چالان عدالت کرکے قرار واقعی سزادلوائی جائے گی، قتل جیسے سنگین مقدمات میں ملوث ملزمان کی گرفتاری کے لیے تمام وسائل بروئے کار لائے جارہے ہیں۔
