سٹریٹ کرائم میں ملوث گینگ کا سرغنہ 3ساتھیوں سمیت گرفتار
راولپنڈی ( کرائم ڈیسک ) صدر بیرونی پولیس نے کارروائی کرتے ہوئے سٹریٹ کرائم کی وارداتوں میں ملوث گینگ کے سرغنہ کو3ساتھیوں سمیت گرفتارکرکے چھینے گئی3 موٹرسائیکلز، 3 موبائل فون اور وارداتوں میں استعمال ہونے والا اسلحہ برآمدکرلیا۔
تفصیلات کے مطابق صدر بیرونی پولیس نے کارروائی کرتے ہوئے سٹریٹ کرائم کی وارداتوں میں ملوث گینگ کے سرغنہ کو3ساتھیوں سمیت گرفتار کر لیا،گرفتار ملزمان میں شہزاد، عبدالباسط، قیصر اور حسنین شامل ہیں،ملزمان سے چھینے گئی3 موٹرسائیکلز،3 موبائل فون اور وارداتوں میں استعمال ہونے والا اسلحہ برآمد ہوا،ملزمان کو شناخت پریڈ کے لیے جیل منتقل کیا گیا۔
ایس پی صدر محمد نبیل کھوکھر نے کہا کہ شناخت پریڈ کے بعد ملزمان سے مزیدبرآمدگی کا تحرک کیا جائے گا، شہریوں کی جان و مال پر حملہ کرنے والے ملزمان قانون کی گرفت سے نہیں بچ سکتے۔
