راولپنڈی،کمشنر راولپنڈی ڈویژن لیاقت علی چٹھہ کی زیر صدارت گورننگ باڈی آر ڈی اے کی بائیو میٹرک تصدیقی خدمات کے لیے نادرا کے ساتھ معاہدے کی منظوری

راولپنڈی (نیوز ڈیسک) : راولپنڈی ڈویلپمنٹ اتھارٹی کی 65ویں گورننگ باڈی کا اجلاس آج آر ڈی اے کانفرنس روم میں منعقد ہوا جس کی صدارت کمشنر راولپنڈی ڈویژن لیاقت علی چٹھہ نے کی۔ ڈائریکٹر جنرل آر ڈی اے محمد سیف انور جپہ اور آر ڈی اے کے دیگر افسران نے کمشنر راولپنڈی کا استقبال کیا۔ آر ڈی اے کے متعلقہ ڈائریکٹرز نے گورننگ باڈی کو اپنے ایجنڈا آئٹمز پر تفصیلی پریزنٹیشن دی۔ گورننگ باڈی نے آر ڈی اے اور نادرا کے درمیان جائیدادوں کی مناسب اور قانونی منتقلی کے لیے بائیو میٹرک تصدیقی خدمات کے معاہدے کی منظوری دے دی ہے۔ کمشنر راولپنڈی نے اسے سراہتے ہوے کہا کہ جائیدادوں کی منتقلی میں شفافیت کو یقینی بنانا ضروری ہے۔ گورننگ باڈی نے ای-فائلنگ اینڈ آفس آٹومیشن سسٹم کے نفاذ کے لیے آر ڈی اے اور پنجاب انفارمیشن ٹیکنالوجی بورڈ کے درمیان ایم-او-یو کی منظوری دے دی ہے۔ ای-فائلنگ اینڈ آفس آٹومیشن سسٹم کی خدمات سرکاری روزمرہ کے کاموں کے بروقت اور موثر انتظام میں مددگار ثابت ہوں گی اور پبلک سیکٹر میں کاغذ کے بغیر دفتری ماحول کی طرف بڑھیں گی۔ یہ یقینی بناتا ہے کہ ہر خط و کتابت ڈیجیٹل طور پر چوبیس گھنٹے قابل رسائی ہے۔ گورننگ باڈی نے بل بورڈز اور آر ڈی اے پارکنگ پلازہ کی قیمتوں کا تعین پرائس اسسمنٹ کمیٹی نے 100 فیصد ریونیو جنریشن بڑھانے کی منظوری دے دی ہے۔ گورننگ باڈی نے سی ڈی اے میں اس فیصلے کی توثیق کی منظوری دی ہے کہ ہاؤسنگ سکیموں، کمرشل، عمارتوں وغیرہ کی پروسیسنگ فیزیکلی طور پر ICT حدود کے دائرہ اختیار میں آتے ہیں جس کی نشاندہی سروے آف پاکستان نے کی ہے۔ گورننگ باڈی نے آر ڈی اے کی طرف سے بلڈنگ پلانز کے زیر عمل کیس کے خلاف جمع کی گئی فیس کی واپسی کی منظوری دے دی ہے۔ ڈائریکٹر جنرل آر ڈی اے محمد سیف انور جپہ نے اجلاس میں شرکت کرنے والے تمام ممبران کا شکریہ ادا کیا۔ گورننگ باڈی آر ڈی اے کے ممبران ، ایم ڈی واسا محمد تنویر، ڈائریکٹر لینڈ و ایڈمن اینڈ فنانس آر ڈی اے ملک غضنفر علی اعوان، چیف پلانر آر ڈی اے جمشید آفتاب، ڈائریکٹر آرکیٹیکچر شجاع علی، ڈائریکٹر انجینئرنگ محمد انور باران، ڈائریکٹر اسٹیٹ مینجمنٹ آصف محمود جنجوعہ، ڈی ایم ڈی واسا سلیم اشرف، ڈائریکٹر انجینئرنگ محمد کامران، ڈپٹی ڈائریکٹر فنانس آر ڈی اے خواجہ ارشد جاوید، ڈپٹی ڈائریکٹر ایڈمن آر ڈی اے افتخار علی جنجوعہ، محکمہ خزانہ، پی اینڈ ڈی ڈیپارٹمنٹ، ڈپٹی کمشنر آفس راولپنڈی، لوکل گورنمنٹ اور دیگر افسران نے شرکت کی۔۔