برسبین (سپورٹس ڈیسک) آسٹریلیا ویمن اور ویسٹ انڈیز ویمن کے درمیان تین میچوں پر مشتمل سیریز کا تیسرا اور آخری ٹی 20 میچ 5اکتوبر کو برسبین میں کھیلا جائے گا۔ دونوں ٹیموں کے درمیان تین میچوں کی سیریز 1-1 سے برابر ہے ۔
آسٹریلوی خواتین ٹیم نے پہلے ٹی ٹونٹی میچ میں مہمان ویسٹ انڈین خواتین ٹیم کو 8 وکٹوں سے شکست دی تھی جبکہ ویسٹ انڈیز ویمن ٹیم نے دوسرے ٹی ٹونٹی میچ میں میزبان آسٹریلوی خواتین ٹیم کو 7 وکٹوں سے شکست دے کر تین میچوں کی سیریز 1-1 سے برابر کر دی تھی۔
تین میچوں کی سیریز کا تیسرا اور آخری ٹی ٹونٹی میچ 5 اکتوبر کو ایلن بارڈر فیلڈ ، برسبین میں کھیلاجائے گا، جس کے بعد دونوں ٹیموں کے درمیان برسبین سے ہی تین ون ڈے میچوں کی سیریز کا آغاز 8 اکتوبر کو ہوگا، دوسرا ون ڈے میچ 12ا کتوبر کو میلبورن جبکہ تیسرا اور آخری ون ڈے میچ 15 اکتوبر کو جیکشن اوول، میلبورن میں کھیلاجائے گا۔
