ریچھ کو وائلڈ لائف ڈیپارٹمنٹ کے حوالے کردیا گیا، ریچھ کی موجودگی پر خوف و ہراس پھیل گیا تھا
راولپنڈی (نیوز ڈیسک) راولپنڈی کے رہائشی علاقے میں گھومنے والے ریچھ کو پکڑ لیا گیا۔ میڈیا رپورٹس کے مطابق ریچھ کو وائلڈ لائف ڈیپارٹمنٹ کے حوالے کردیا گیا، ریچھ کی موجودگی پر علاقے میں خوف و ہراس پھیل گیا تھا۔ پولیس، وائلڈ لائف اور ریسکیو 1122 کو تلاش کے باوجود ریچھ نہیں مل سکا تھا۔
تاہم ریسکیو 1122 نے علاقہ مکینوں کی شکایت پر ریسکیو آپریشن جاری رکھا، جس کے بعد آخر ریچھ کو پکڑ لیا گیا ہے۔ واضح رہے کہ آج سے چند روز قبل کراچی کے علاقے شارع فیصل پر عائشہ باوانی کالج کے قریب سڑک پر شیر نکل آیا تھا، جسے بعد ازاں پولیس اور محکمہ وائلڈ لائف کے عملے کو طلب کرکے قابو کیا گیا۔
