لاہور: (سپورٹس ویب ڈیسک) سابق انٹرنیشنل کرکٹر ناہیدہ خان کو جنوبی افریقہ کے خلاف ہونے والی سیریز کے لیے پاکستانی خواتین کرکٹ ٹیم کی مینجر مقررکردیا گیا ہے۔
پاکستان کرکٹ بورڈ (پی سی بی ) کے مطابق سابق انٹرنیشنل کرکٹر ناہید خان یکم ستمبر سے کراچی میں شروع ہونے والی جنوبی افریقہ کیخلاف سیریز کیلئے پاکستان خواتین کرکٹ ٹیم کی مینجر ہونگی۔
36 سالہ ناہیدہ خان نے 120 میچوں میں پاکستان کی نمائندگی کرتے ہوئے 2014 رنز بنائے تھے اور ایک وکٹ حاصل کی تھی، وہ اس سال جون میں انٹرنیشنل کرکٹ سے ریٹائر ہوئی ہیں جس کے بعد انہوں نے پاکستان کپ ویمنز ٹورنامنٹ میں بلاسٹرز کی اسسٹنٹ کوچ کی ذمہ داری نبھائی۔
Nahida Khan appointed manager of Pakistan women's team
Read more: https://t.co/1VBEIZ7X20#BackOurGirls | #PAKWvSAW
— PCB Media (@TheRealPCBMedia) August 18, 2023
گزشتہ ہفتے مارک کولز کے ہیڈ کوچ کے عہدے سے مستعفی ہونے کے بعد محتشم رشید جنوبی افریقہ کے خلاف سیریز اور ایشین گیمز میں عبوری ہیڈ کوچ کی ذمہ داری نبھائیں گے، وہ اس سے قبل ہیڈ کوچ بھی رہ چکے ہیں جبکہ کامران حسین سلیم جعفر کی جگہ بولنگ کوچ ہونگے۔
علاوہ ازیں عائشہ اشعر کو ایشین گیمز کے لیے پاکستان خواتین ٹیم کی منیجر برقرار رکھا گیا ہے۔
