اسلام آباد(سپورٹس ڈیسک) پنجاب باکسنگ ایسوسی ایشن کے زیر اہتمام پنجاب باکسنگ بوائز اینڈ گرلز ٹیموں کے چنائو کے سلسلہ میں ایک ایک روزہ ٹرائلز سر سید ہال سرگودھا میں مکمل ہوگئے ہیں۔پنجاب باکسنگ ایسوسی ایشن کے جنرل سیکرٹری کرنل ریٹائرڈ ناصر اعجاز تنگ نے بتایا کہ ٹ ٹرائلز میں پنجاب بھر سے 153بوائز اینڈ گرلز کھلاڑیوں نے شرکت کی جن میں سے 20بوائز اینڈ گرلز کھلاڑیوں کا انتخاب کیا گیاہے۔
منتخب ٹیموں 7ستمبر سی10ستمبر تک فیصل آباد میں منعقد ہونے والی نیشنل جونیئر بوائز اینڈ گرلز انٹر کلب باکسنگ چیمپئن شپ میں حصہ لیں گے جس کیلئے باقاعدہ طور پر ان کھلاڑیوں کیلئے ایک تربیتی کیمپ لگایا جائے گا۔ سلیکشن کمیٹی میں لیاقت علی بٹ(گجرات)، نعمان کریم ( سابق انٹر نیشنل کھلاڑی)اور سید محمد جمشید کاظمی(نیشنل ٹیکنیکل آفیشل)نے شامل تھے۔ جبکہ ٹرائلز کو راحیل عدنان ، طاہر ایوب ، سہیل گجر ، زبیر رشید اور آسما عاطف نے سپروائز کیا۔
