پاکستان کرکٹ کی نئی یادگاری ویڈیو میں سابق کپتان عمران خان کی فوٹیج بھی شامل کر لی گئی
لاہور (نیوز ڈیسک) مسلسل تنقید کے بعد پی سی بی غلطی کا ازالہ کرنے پر مجبور ہو گیا، پاکستان کرکٹ کی نئی یادگاری ویڈیو میں سابق کپتان عمران خان کی فوٹیج بھی شامل کر لی گئی۔ تفصیلات کے مطابق پاکستان کرکٹ بورڈ نے پاکستان کرکٹ کی یادگاری ویڈیو میں عمران خان کی فوٹیج شامل نہ کیے جانے کے حوالے سے وضاحت کی ہے۔
The PCB has launched a promotional campaign leading up to the CWC 2023. One of the videos was uploaded on 14th August 2023. Due to its length, the video was abridged and some important clips were missing. This has been rectified in the complete version of the video ⤵️ pic.twitter.com/Rz2OBDyI9i
— Pakistan Cricket (@TheRealPCB) August 16, 2023
پی سی بی اعلامیہ کے مطابق 14 اگست کو پاکستان کرکٹ کی ایک یادگاری ویڈیو جاری کی گئی تھی، جس میں کچھ ویڈیو کلپس غائب تھے، اب اس غلطی کا ازالہ کرتے ہوئے اب نئی یادگاری ویڈیو جاری کر دی گئی ہے۔
پاکستان کرکٹ بورڈ کی جانب سے جاری کردہ نئی یادگاری ویڈیو میں سابق کپتان عمران خان کی فوٹیج بھی شامل ہے۔
واضح رہے کہ یوم آزادی پر ورلڈ کپ جیتنے والے سابق کپتان عمران خان کو پاکستان کرکٹ بورڈ کی یادگاری ویڈیو سے باہر کردیا گیا تھا جس سے پاکستانی کرکٹ شائقین غم و غصے میں تھے۔ بظاہر پاکستان کے یوم آزادی کی تقریبات کے ایک حصے کے طور پر جاری کیا گیا، جو کہ 14 اگست کو آتا ہے، اس ویڈیو میں گزشتہ برسوں کے دوران پاکستانی کرکٹ کی کچھ جھلکیاں بیان کی گئی ہیں، جو 1952ء میں ملک کے بین الاقوامی ڈیبیو سے متعلق ہیں۔
عمران خان پاکستان کے سب سے بڑے کرکٹر کے طور پر جانے جاتے ہیں جس نے 22.81 کی اوسط سے 362 ٹیسٹ وکٹیں حاصل کیں جبکہ 6 سنچریوں کے ساتھ 37.69 کی اوسط سے 3807 رنز بھی بنائے۔
