دبئی: (سپورٹس ڈیسک) انگلش کرکٹر کرس ووکس نے آئی سی سی مینز پلیئر آف دی منتھ ایوارڈ جیت لیا۔
انٹرنیشنل کرکٹ کونسل (آئی سی سی ) کے مطابق کرس ووکس نے جولائی کے مہینے کے پلیئر آف دی منتھ قرار پائے، دیگر کھلاڑیوں میں انگلینڈ کے زیک کرولی اور نیدرلینڈ کے بیٹر بیس ڈی لیڈ بھی ایوارڈ کے لیے نامزد تھے۔
کرس ووکس نے گفتگو کرتے ہوئے کہا کہ ایشز کی کارکردگی ایک ٹیم ورک کا نتیجہ ہے، کوئی بھی انفرادی ایوارڈ ٹیم ورک کے بغیر ناممکن ہے، پلیئر آف دی منتھ ایوارڈ بہت اچھا لگتا ہے۔
دوسری جانب آئی سی سی ویمن پلیئر آف دی منتھ کا ایوارڈ آسٹریلیا کی آل راؤنڈر ایشلے گارڈنر جیتنے میں کامیاب رہیں۔
