کولمبو : (سپورٹس ویب ڈیسک ) لنکا پریمیئر لیگ ( ایل پی ایل ) میں جافنا کنگز نے گال ٹائیٹنز کو یکطرفہ مقابلے کے بعد 8 وکٹوں سے شکست دے دی۔
پالے کیلے میں کھیلے گئے ایونٹ ساتویں میچ میں گال ٹائیٹنز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 117 رنز بنائے، کپتان داسن شناکا نے 30 اور شیون ڈینیئل نے 25 رنز کی اننگ کھیلی۔
جافنا کنگز کی طرف سے دونیتھ ویلالاگے نے 10 رنز کے عوض 4 کھلاڑیوں کو آؤٹ کیا۔ گال ٹائیٹنز کا 118 رنز کا آسان ہدف جافنا کنگز نے 13 ویں اوور میں ہی حاصل کرلیا، اوپننگ بیٹر رحمان اللہ گرباز نے 54 رنز کی اننگز کھیلی جبکہ توحید ہریدوئے 44 رنز کے ساتھ ناقابل شکست رہے۔
گال ٹائیٹنز کی جانب سے شکیب الحسن نے دو کھلاڑیوں کو پویلین کی راہ دکھائی۔
