لاہور(نیوز ڈیسک) قومی کرکٹ ٹیم کے سابق بالنگ کوچ وقار یونس نے پاکستان کرکٹ بورڈ (پی سی بی) کا حصہ بننے کی اطلاعات کو مسترد کردیا۔
میڈیارپورٹ کے مطابق سابق فاسٹ بولر کے قریبی ذرائع کا کہنا ہے کہ وقار یونس ذاتی مصروفیات کی وجہ سے پاکستان کرکٹ بورڈ (پی سی بی) میں کسی بھی قسم کا عہدہ نبھانے کیلئے فی الحال آمادہ نہیں۔ایشیاکپ کی ٹرافی کی رونمائی تقریب میں چیئرمین پی سی بی ذکا اشرف نے وقار یونس کو بطور خاص مدعو کیا تھا، جس کے بعد توقع کی جارہی تھی کہ وہ بھی جلد بورڈ میں اہم عہدہ سنبھال سکتے ہیں۔
