ایسا لگتا ہے جیسے کل میں نے تمہیں اپنی بانہوں میں پالا تھا، اس دن میں نے خود سے وعدہ کیا تھا کہ میں تمہارا ساتھ کبھی نہیں چھوڑوںگا، اللہ آپ دونوں کو اپنی حفاظت میں رکھے اور آپکو ایکساتھ خوبصورت زندگی گزارنے کا موقع عطا فرمائے: ٹویٹر پیغام
اسلام آباد (نیوز ڈیسک) قومی ٹیم کے کپتان شاہد آفریدی نے اپنی بیٹی کی شادی کے بعد محبت بھرا پیغام جاری کردیا ہے ۔ سماجی رابطے کی ویب سائٹ ٹویٹر پر اپنے پیغام میں شاہد آفریدی نے لکھا کہ ’’ میری پیاری بیٹی ایسا لگتا ہے جیسے کل میں نے تمہیں اپنی بانہوں میں پالا تھا اور اس دن میں نے خود سے وعدہ کیا تھا کہ میں تمہارا ساتھ کبھی نہیں چھوڑوں گا۔
اگرچہ آپ اپنی زندگی میں ایک نیا باب شروع کرنے والی ہیں، میرا دل ہمیشہ تمہارے پاس رہے گا کیونکہ میں وہ آدمی ہوں جس نے آپ سے پہلے پیار کیا، اللہ آپ دونوں کو اپنی حفاظت میں رکھے اور آپ کو ایک ساتھ ایک خوبصورت زندگی گزارنے کا موقع عطا فرمائے، آمین‘‘۔
https://twitter.com/SAfridiOfficial/status/1677610611599876096?s=20
یاد رہے کہ جمعہ کو کراچی میں شاہد آفریدی کی بیٹی کی شادی کی تقریب میں پاکستانی کھلاڑیوں نے شرکت کی۔
شادی میں کپتان بابر اعظم، محمد رضوان، سرفراز احمد، امام الحق، شان مسعود، حسن علی، عامر جمال اور شاہین شاہ آفریدی نے شرکت کی۔ شادی میں معین خان، ارشد خان، محمد اکرم اور وقار یونس جیسے سابق کرکٹرز بھی نظر آئے۔ پاکستانی فاسٹ بولر حارث رؤف ولیمہ کا استقبالیہ بھی گزشتہ رات تھا لیکن کھلاڑی ایونٹ میں شرکت نہیں کر سکے کیونکہ خراب موسم کے باعث انہیں راولپنڈی جانے کی اجازت نہیں دی گئی۔
تاہم حارث رؤف کے استقبالیہ میں فخر زمان اور فہیم اشرف نے شرکت کی۔
https://twitter.com/Rnawaz31888/status/1677368991776473088?s=20
https://twitter.com/Rnawaz31888/status/1677575029897285632?s=20
ذرائع کے مطابق پاکستان ٹیم انتظامیہ نے خراب موسم کے باعث کھلاڑیوں کو راولپنڈی جانے کی اجازت نہیں دی۔ قومی ٹیم ٹیسٹ سیریز کے لیے ہفتے کو سری لنکا روانہ ہو گی۔ ابتدائی پلان کے مطابق کھلاڑیوں نے آج شام کو کراچی سے راولپنڈی جانا تھا اور ہفتہ کو دوپہر کو واپس جانا تھا۔
لیکن مون سون کے موسم کے بعد ملک میں خراب موسم اور بارش کی پیش گوئی کی وجہ سے ٹیم انتظامیہ نے کوئی خطرہ مول لینے کے خلاف فیصلہ کیا۔ پاکستان ٹیم کا تربیتی کیمپ آج نیشنل اسٹیڈیم کراچی میں اختتام پذیر ہوگیا۔ پاکستان رواں ماہ کے آخر میں سری لنکا کے خلاف دو ٹیسٹ کھیلے گا۔ یہ تیسری آئی سی سی ٹیسٹ چیمپئن شپ کے چکر میں قومی ٹیم کی پہلی سیریز ہوگی۔
