زلزلے کی شدت 5.2 ریکارڈ کی گئی جبکہ اس کا گہرائی 198کلو میٹرتھی، مرکز افغانستان اور تاجکستان کا علاقہ تھا، لوگ کلمہ طیبہ کا ورد کرتے ہوئے اپنے گھروں ،دفاتراور دکانوں سے باہر نکل آئے
اسلام آباد ( نیوز ڈیسک ) وفاقی دارالحکومت اسلام آباد سمیت پشاور اور خیبرپختونخواہ کے مختلف علاقوں میں زلزلے کے جھٹکے محسوس کئے گئے،زلزلے کے جھٹکے محسوس ہونے پر لوگوں میں خوف و ہراس پھیل گیا اور کلمہ طیبہ کا ورد کرتے ہوئے وہ اپنے گھروں ،دفاتراور دکانوں سے باہر نکل آئے،تفصیلات کے مطابق زلزلے کی شدت 5.2ریکارڈ کی گئی جبکہ اس کی گہرائی 198کلو میٹرتھی۔
زلزلے کا مرکز افغانستان اور تاجکستان کا علاقہ تھا۔ابتدائی طور پر کسی جانی یا بڑے نقصان کی اطلاع نہیں ملی ہے۔اس کے ساتھ ساتھ اسلام آباد، سوات،چترال ،مردان ،ہنگو ،مردان ،شانگلہ،بونیر، خیبر سمیت خیبرپختونخواہ کے دیگر علاقوں میں زلزلے کے جھٹکے محسوس کئے گئے۔واضح رہے کہ اس سے قبل بھی وفاقی دارالحکومت اسلام آباد اور گردونواح میں زلزلے کے جھٹکے محسوس کئے گئے تھے۔
شہری کلمہ طیبہ کا ورد کرتے گھروں اور دفاتر سے باہرآگئے تھے۔بتایاگیا تھا کہ زلزلے کی شدت ریکٹر سکیل پر 5.3 ریکارڈ کی گئی تھی۔زلزلہ پیما مرکز کے مطابق ریکٹر سکیل پر زلزلے کی شدت 5.3 ریکارڈ کی گئی ہے اور زلزلے کا مرکز کوہ ہندوکش تھا جب کہ زلزلے کی گہرائی 220 کلومیٹر زیر زمین ریکارڈ کی گئی تھی۔زلزلے کے جھٹکے دیگر شہروں میں بھی محسوس کئے گئے تھے جن میں نوشہرہ، ایبٹ آباد، ہری پور، مانسہرہ اور ہزارہ کے اضلاع بھی شامل تھے۔
اس کے علاوہ اٹک، مہمند، لنڈی کوتل، صوابی، تیراہ، شانگلہ، ملاکنڈ، ، سوات، دیرلوئر، چارسدہ میں بھی زلزلے کے جھٹکے محسوس کئے گئے تھے۔ زلزلے کی زیر زمین گہرائی 166 کلو میٹر تھی جبکہ زلزلے کا مرکز پاک افغانستان اورتاجکستان کا سرحدی علاقہ تھا۔زلزلے کا مرکز افغانستان اور تاجکستان کے سرحدی علاقے میں تھا۔ قبل ازیںبھی بلوچستان کے ضلع ژوب اور گردونواح میں بھی زلزلے کے جھٹکے محسوس کئے گئے تھے۔شہری خوف و ہراس میں مبتلا ہوگئے تھے زلزلہ پیما مرکز کے مطابق ژوب میں آنے والے زلزلے کی شدت 4 تھی اور اس کی گہرائی 22 کلومیٹر تھی، جب کہ اس کا مرکز ژوب سے 13 کلومیٹر مغرب میں واقع تھا۔
