چیئرمین پی سی بی محسن نقوی علی الصبح قذافی سٹیڈیم پہنچ کر مختلف فلورز اور ہاسپٹلٹی باکسز کے فنشنگ ورک کا معائنہ کیا
لاہور ( نیوز ڈیسک ) صرف 110 روز میں 99 فیصد اسٹیڈیم کا کام مکمل ہونے پر قذافی سٹیڈیم نے دنیائے کرکٹ کا منفرد ریکارڈ اپنے نام کرلیا۔ چیئرمین پاکستان کرکٹ بورڈ محسن نقوی علی الصبح قذافی سٹیڈیم، لاہور پہنچ کر مختلف فلورز اور ہاسپٹلٹی باکسز کے فنشنگ ورک کا معائنہ کیا۔
محسن نقوی نے باکسز کے سامنے لگائی گئی ریلنگ کے معیار کو چیک کیا اور باکسز کے باہر لگائی گئی نشتوں پر بیٹھ کر گراؤنڈ کے وِیو کو بھی دیکھا۔
محسن نقوی نے فلورز کے فنشنگ ورک کا معیار چیک کیا اور اسے برق رفتاری سے مکمل کرنے کی ہدایت کی۔ اس موقع پر محسن نقوی نے کہا کہ قذافی اسٹیڈیم تکمیل کے قریب ہے، وزیر اعظم محمد شہباز شریف 7 فروری کو افتتاح کریں گے۔
محسن نقوی کے مطابق چیمپئنز ٹرافی کے میچز دیکھنے والے شائقین نئے سٹیڈیم کی سہولتوں سے لطف اندوز ہوسکیں گے۔ اس موقع پر چیف آپریٹنگ آفیسر سمیر احمد نے فنشنگ ورک پر پیش رفت کے حوالے سے بریفنگ دی۔
