بارک ایئر لائن نے کتوں کیلئے خصوصی فلائٹ متعارف کروادی

نیو یارک (این این آئی)بارک ایئر لائن نے کتوں کے لیے خصوصی فلائٹ متعارف کروادی، سفر کے دوران کتوں کو کھانے پینے کے ساتھ سپیشل پروٹوکول بھی دیا جائے گا۔ میڈیا رپورٹ کے مطابق بارک ایئر لائن نے کتوں کیلئے خصوصی فلائٹ متعارف کروادی، خاص طور پر کتوں کیلئے ڈیزائن کی گئی فلائٹ میں کتے اپنے مالک کیساتھ آرام دہ سفر کرسکیں گے۔

سفر کے دوران کتوں کو کھانے پینے کے ساتھ سپیشل پروٹوکول بھی دیا جائے گا۔بارک ائیر لائن میں کتوں اور مالکان کیلئے پریمیم پروازیں پیش کی گئی ہیں جن کا آغاز نیویارک سے لاس اینجلس اور لندن کے راستوں سے ہوگا۔بارک ائیر لائن کا بین الاقوامی پرواز کا یکطرفہ کرایہ 8ہزار ڈالر جبکہ ڈومیسٹک فلائٹس کا یکطرفہ کرایہ 6ہزار ڈالر رکھا گیا ہے۔منفرد سروس کا مقصد کتے کے مالکان کو طویل سفر میں پیش آنیوالے چیلنجز سے نکالنا ہے۔