ٹورنامنٹ کے فائنل میں پاکستان اور جاپان کی ٹیمیں مدمقابل آئیں گی، قومی ٹیم آخری مرتبہ 2011 میں ٹورنامنٹ کے فائنل تک رسائی حاصل کرنے میں کامیاب ہوئی تھی
ایپوہ (سپورٹس ڈیسک) پاکستان 13 سال بعد اذلان شاہ ہاکی ٹورنامنٹ کے فائنل میں پہنچ گیا، ٹورنامنٹ کے فائنل میں پاکستان اور جاپان کی ٹیمیں مدمقابل آئیں گی، قومی ٹیم آخری مرتبہ 2011 میں ٹورنامنٹ کے فائنل تک رسائی حاصل کرنے میں کامیاب ہوئی تھی۔ تفصیلات کے مطابق ملائیشیا اور جاپان کے میچ کے نتیجے کے بعد سلطان اذلان شاہ ہاکی کپ میں پاکستان اور جاپان کی ٹیمیں فائنل میں پہنچ گئیں، پاکستان 2011 کے بعد پہلی بار اذلان شاہ کپ کے فائنل میں پہنچا ہے۔
ملائیشیا کے شہر ایپوہ میں جاری ایونٹ میں جاپان نے ملائیشیا کو 1-2 سے شکست دے دی۔ پوائنٹس ٹیبل پر پاکستان اور جاپان کے 10، 10 پوائنٹس ہوگئے، جس کے بعد دونوں ٹیموں نے فائنل کیلیے کوالیفائی کرلیا۔
پاکستان نے بھی بدھ کے روز اہم میچ میں کینیڈا کو شکست دے کر فائنل تک اپنی رسائی کو یقینی بنایا۔ ملائیشیا کے شہر آئپوہ میں جاری 30 ویں سلطان اذلان شاہ ہاکی کپ میں پاکستان ایونٹ میں اب تک ناقابل شکست ہے اور چار میچوں کے بعد 10 پوائنٹس کے ساتھ ٹیبل پر سرفہرست ہے۔
کینیڈا نے پہلے 17 منٹ میں 2-0 کی برتری حاصل کر کے پاکستان کو بیک فٹ پر ڈال دیا۔ تاہم گرین شرٹس نے شاندار واپسی کرتے ہوئے میچ 5-4 سے جیت لیا۔ پاکستان کی جانب سے پہلے دو گول ابوبکر محمود کر کے اپنی ٹیم کو کھیل میں واپس لایا۔ پاکستان کی جانب سے ارشد لیاقت، رانا وحید اشرف اور غضنفر علی نے بھی ایک ایک گول کیا۔ کینیڈا کی جانب سے شان ڈیوس نے دو جبکہ ہربیر سندھو اور اوجوت بٹر نے ایک ایک اسکور کیا۔
اس سے قبل پاکستان نے اتوار کو اپنے دوسرے میچ میں کوریا کو یکطرفہ مقابلے میں 4-0 سے شکست دی تھی۔ دریں اثناء پاکستان نے ہفتے کے روز ابو محمود کے آخری لمحات کے فاتح کے ساتھ ملائیشیا کو شکست دی۔ نو گول کے سنسنی خیز مقابلے میں کچھ بہترین گول دیکھنے میں آئے کیونکہ گرین شرٹس 60 منٹ کے طویل عرصے کے بعد 5-4 سے فتح حاصل کرنے میں کامیاب رہے۔ پاکستان کا اگلا میچ اب اسی مقام پر 10 مئی کو نیوزی لینڈ کے خلاف ہے۔
