آج سمجھ آگئی، لوگ کیوں میچ نہیں دیکھنے آرہے، ڈیڑھ گھنٹے ٹریفک میں کھڑے رہے اور پھر یوٹرن لینے کے لیے مزید گھنٹہ لگا: سابق کپتان
اسلام آباد (نیوزویب ڈیسک) قومی کرکٹ ٹیم کے سابق کپتان وسیم اکرم، مصباح الحق اور اظہر علی کراچی کے ٹریفک میں پھنسنے کی وجہ سے میچ دیکھنے نیشنل کرکٹ سٹیڈیم نہ پہنچ سکے۔ نجی ٹی وی پر پی ایس ایل کے سلسلے میں سپورٹس شو کی میزبانی کرنے والے اداکار و میزبان فخرِ عالم نے ٹوئٹر پر ایک ویڈیو شیئر کی جس میں سابق کپتان وسیم اکرم کا کہنا تھا کہ ’ڈیڑھ گھنٹے ٹریفک میں کھڑے رہے اور پھر یوٹرن لینے کے لیے مزید گھنٹہ لگا۔
وسیم اکرم نے کہا کہ آج مجھے سمجھ آگئی ہے کہ کراچی کے لوگ کیوں میچ نہیں دیکھنے آرہے، جب ہم لوگ سٹیڈیم کے قریب تک نہیں پہنچ سکے تو لوگ کیسے آئیں گے، کنٹینر ہر چیز کا حل نہیں ہے، ہمیں ان مسائل کو حل کرنا ہوگا‘۔
We tried our best to get to National stadium Karachi and it was a terrible experience. No defined routes anywhere and every side we tried was closed off with containers causing massive traffic congestion. Authorities are requested to make a sensible traffic flow plan. This is why… pic.twitter.com/H1ARXtNpzO
— Fakhr-e-Alam S.I & S.E (@falamb3) February 29, 2024
واضح رہے کہ پی ایس ایل 9 کے 28 فروری سے کراچی میں شروع ہونے والے میچز کو دیکھنے کیلئے اسٹیڈیم میں شائقین کی عدم دلچسپی نظر آئی اور اسٹینڈ خالی دکھائی دیے تھے۔ اس سے قبل پاکستان سپر لیگ کے نویں ایڈیشن کا آغاز ملتان اور لاہور سے ہوا تھا جہاں شائقین کی بڑی تعداد نے اسٹیڈیم کا رخ کیا۔
