جکارتہ: (سپورٹس ویب ڈیسک) انڈونیشیا میں مقامی کلب کے میچ کے دوران آسمانی بجلی کھلاڑی پر گر گئی جس کے باعث فٹبالر جاں بحق ہوگیا۔
میڈیا رپورٹس کے مطابق مغربی جاوا کے علاقے بندونگ میں گزشتہ روز مقامی کلبز کے درمیان دوستانہ میچ کے دوران کھلاڑی پر آسمانی بجلی گرنے کا واقعہ پیش آیا۔
واقعے کی ویڈیو بھی سامنے آئی ہے جس میں دیکھا جا سکتا ہے کہ میچ کے دوران اچانک کھلاڑی پر آسمانی بجلی گرتی ہے اور وہ وہیں ڈھیر ہوجاتا ہے۔
lightning struck a man during a football match in Indonesia ????????https://t.co/JnRUJSukl1
— Kobbie Mainoo Fans (@KobbeMainoo) February 11, 2024
آسمانی بجلی کی زد میں آنے والے فٹبالر کو ہسپتال لے جایا گیا تاہم وہ جانبر نہ ہوسکا اور انتقال کرگیا، 35 سالہ فٹبالر کی شناخت سبطین کے نام سے ہوئی ہے۔
