کراچی: (سپورٹس ڈیسک) سندھ میں ٹورازم ڈپارٹمنٹ کی جانب سے ہیوی بائیک ریلی کا انعقاد کیا گیا۔ ہیوی بائیک ریلی کا آغاز بابائے قوم قائد اعظم محمد علی جناح کے مزار سے ہوا جس میں مختلف قسم کے ہیوی بائیک چلانے والے متعدد رائیڈرز نے بھرپور شرکت کی، افتتاحی تقریب میں سپیشل بچوں نے بھی شرکت کی جو بہت لطف اندوز ہوئے۔
ریلی کراچی سے ہوتی ہوئی بھمبھور فورٹ، ٹھٹھہ، بدین، نوکوٹ، مٹھی سے ہوتی ہوئی نگر پارکر اور رامپور ڈیم تک جاری رہے گی، اس وقت تھر آف روڈ بائیک ریلی اپنے مقررہ راستوں سے ہوتے ہوئے ٹھٹھہ پہنچ چکی ہے۔
Exciting start to the Heavy Bike Rally in Sindh! ????️ Kicked off at Quaid-e-Azam Muhammad Ali Jinnah's mausoleum, riders rev up for a journey promoting tourism. ???? #SindhTourism #BikeRally pic.twitter.com/bqMJUDRoyR
— Saba Kamal (@SabaKamal142562) February 2, 2024
افتتاحی تقریب سے خطاب کرتے ہوئے مہمان خصوصی ارشد ولی محمد نے کہا کہ ریلی کا مقصد سندھ میں ٹورازم کو پروموٹ کرنا ہے، اس قسم کے ایونٹس ماحول دوست ہوتے ہیں جس سے ہماری نوجوان نسل پر اچھا اثر پڑتا ہے،نوجوانوں کو ایسی سرگرمیوں میں حصہ لینا چاہیے۔
ارشد ولی نے ایونٹ میں حصہ لینے والے بائیکرز گروپس اور ایونٹ کو اسپانسر کرنے والے بالخصوص سندھ ڈیویلپمنٹ ٹوئرزم ڈیپارٹمنٹ، ڈی ایچ اے سٹی، وائٹل ٹی، تاج پیٹرولیم اور تھر فاؤنڈیشن کا شکریہ ادا کیا۔
