لاہور: (نیوز ڈیسک) سردی کم ہونے سے تمام نجی و سرکاری سکولوں کے پرانے اوقات کار بحال کر دیئے گئے۔
نوٹیفکیشن کے مطابق یکم فروری 2024 سے تمام نجی و سرکاری سکول پرانے اوقات کار کے مطابق کھلیں گے، بوائز سکولز میں صبح ساڑھے 8 سے دوپہر اڑھائی بجے تک پڑھائی ہو گی، گرلز سکولز میں صبح سوا 8 بجے کھل کر دوپہر سوا 2 بجے بند ہوں گے۔
جمعہ کو بوائز سکول دوپہر 12 اور گرلز سکولز دوپہر پونے 12 بجے بند ہوں گے، ڈبل شفٹ والے سکول کی پہلی شفٹ صبح 8 سے دوپہر ساڑھے 12 بجے تک ہو گی، دوسری شفٹ دوپہر ایک سے شام ساڑھے 5 بجے تک جاری رہے گی۔
