ڈونیڈن: (سپورٹس ویب ڈیسک) پاکستان اور نیوزی لینڈ ویمنز کرکٹ ٹیم کے درمیان بارش سے متاثرہ تیسرا ٹی 20 میچ ڈک ورتھ لوئس میتھڈ کے تحت نیوزی لینڈ ویمنز ٹیم نے 6 رنز سے جیت لیا۔
نیوزی لینڈ ویمن ٹیم نے سیریز کا یہ تیسرا اور آخری ٹی ٹوئنٹی میچ جیتا لیکن سیریز دو ایک سے پاکستان ویمن ٹیم کے نام رہی۔
Match-defining spells in the first two T20Is ????@imfatimasana is named player of the series for bagging 6️⃣ wickets at 9.33 across the three games ????#NZWvPAKW | #BackOurGirls pic.twitter.com/2O30F8cQrJ
— Pakistan Cricket (@TheRealPCB) December 9, 2023
پاکستان اورنیوزی لینڈ ویمنز کرکٹ ٹیموں کے درمیان ٹی ٹوئنٹی میچوں کی سیریز کا تیسرا میچ بارش سے متاثر ہوگیا، تیسرے ٹی ٹوئنٹی میں نیوزی لینڈ ویمنز ٹیم نے ٹاس جیت کر پہلے فیلڈنگ کا فیصلہ کیا۔
پاکستان نے مقررہ اوورز میں پانچ وکٹوں پر 137 رنز بنائے، سدرہ امین 43 رنزبنا کر نمایاں رہیں۔
جواب میں نیوزی لینڈ ویمن ٹیم نے 15 اوورز میں 2 وکٹ پر 101 رنز بنالیے تھے جس کے بعد ہونے والی بارش کی وجہ سے میچ مکمل نہ ہوسکا اور ڈرک ورتھ لوئس میتھڈ کے تحت نیوزی لینڈ نے میچ 6 رنز سے جیت لیا۔