سینئر انڈر آفیسر محمد عبدالرحمن اعوان کو اعزازی تلوار سے نوازا گیا
راولپنڈی (نیوز ڈیسک) پاکستان ملٹری اکیڈمی میں مختلف کیڈٹس کی پاسنگ آئوٹ پریڈ کے دور ان سینئر انڈر آفیسر محمد عبدالرحمن اعوان کو اعزازی تلوار سے نوازا گیا۔
پاک فوج کے شعبہ تعلقات عامہ (آئی ایس پی آر)کے مطابق پاکستان ملٹری اکیڈمی میں مختلف کیڈٹس کی پاسنگ آئوٹ پریڈ کی تقریب ہوئی، جس کے مہمان خصوصی سربراہ پاک بحریہ ایڈمرل نوید اشرف تھے۔
ترجمان پاک فوج کے مطابق پاسنگ آٹ پریڈ میں سینئر انڈر آفیسر محمد عبدالرحمن اعوان کو اعزازی تلوار سے نوازا گیا جبکہ سینئر انڈر آفیسر محمد حمزہ خالد کو صدر کا گولڈ میڈل دیا گیا۔آئی ایس پی آر کے مطابق پاس آئوٹ ہونے والے کیڈٹس میں عراق، مالدیپ، نیپال، فلسطین، قطر، سری لنکا اور یمن کے گریجویٹس بھی شامل ہیں۔
