راولپنڈی(نیوز ڈیسک) گرمی کی شدت میں کمی کے باوجود راولپنڈی میں ڈینگی وائرس کے خطرناک وار نہ رک سکے گزشتہ 24 گھنٹوں کے دوران مزید 47 افراد میں ڈینگی وائرس کی تصدیق کے بعد روان سیزن میں ڈینگی وائرس کے تصدیق شدہ مریضوں کی تعداد 1093 تک پہنچ گئی محکمہ صحت کے ذرئع کے مطابق اس وقت ہولی فیملی ہسپتال میں 54، ڈی ایچ کیو میں 41 اور بے نظیر بھٹو ہسپتال میں 35 افراد زیر علاج ہیں جبکہ ڈینگی وائرس سے متاثرہ 11 افراد کی حالت تشویشناک ہے ادھر ضلعی انتظامیہ کے ذرائع کے مطابق گزشتہ24گھنٹے میں ڈینگی ایس او پی کی خلاف ورزی پر 49 مقدمات درج کرنے کے ساتھ لاروا برآمدگی پر 2 عمارتیں سیل کی گئیں اسی طرح 5 افراد کوچالان ٹکٹ جاری کر کے 49 ہزار 250 روپے جرمانہ عائد کیا گیااس طرح رواں سیزن میں مجموعی طور پر 3340 مقدمات درج کرنے کے ساتھ ڈینگی لاروا برآمد ہونے پر 554 عمارتوں کو سیل کیا گیااور 972 افراد کوچالان ٹکٹ جاری کر کے مجموعی طور پر 55 لاکھ 3 ہزار 250 روپے جرمانہ عائد کیاگیا۔
