میڈرڈ: (سپورٹس ویب ڈیسک ) ڈنمارک کے سائیکلسٹ جوناس ونجیگارڈ نے ویلٹا اسپانیا سائیکل ریس کا 16واں مرحلہ جیت لیا۔ ویلٹا اسپانیا سائیکل ریس کا 78 واں ایڈیشن سپین میں جاری ہے جو 21 مراحل پر مشتمل ہے ، ریس میں 22 ٹیموں کے سائیکلسٹ ایکشن میں ہیں۔
ڈنمارک کے 26 سالہ سائیکلسٹ جوناس ونجیگارڈنے ویلٹا اسپانیا سائیکل ریس کا 16 ہواں مرحلہ اپنے نام کیا،ان کی ریس میں یہ دوسری سٹیج فتح ہے۔
ویلٹا اسپانیا سائیکل ریس سپین میں جاری ہے ، ویلٹا اسپانیا سائیکل ریس کا سولہواں مرحلہ لینکریس پلیا سے بیجس تک120.5کلو میٹر پر محیط تھا ، ڈنمارک کے 26 سالہ سائیکلسٹ جوناس ونجیگارڈنے عمدہ سائیکلنگ کا مظاہرہ کرتے ہوئے تمام حریف سائیکل سواروں کو پیچھے چھوڑتے ہوئے پہلی پوزیشن حاصل کی ۔
ڈینش سائیکلسٹ جوناس ونجیگارڈنے 16ویں راؤنڈ کا مطلوبہ فاصل2 گھنٹے 38 منٹ اور 23سیکنڈز میں طے کرتے ہوئے پہلی پوزیشن حاصل کی۔
21 سالہ نیوزی لینڈ کے سائیکلسٹ فن فشربلیک نے ریس کے 16ویں مرحلے میں دوسری ،نیدرلینڈز کے سائیکل سوار واؤٹ پوئلز نے تیسری ،آسٹریلوی سائیکلسٹ مائیکل سٹوررنے چوتھی جبکہ ہسپانوی سائیکل سوار جان آیوسو نے پانچویں پوزیشن حاصل کی۔ امریکی سائیکلسٹ سیپ کس کا ریڈ جرسی پر قبضہ برقرار ہے، ویلٹا اسپانیا سائیکل ریس17ستمبر کو سپین کے دارالحکومت میڈرڈ میں اختتام پذیر ہوگی۔
