اٹک: (نیوز ڈیسک) چیئرمین پی ٹی آئی نے جیل سے پیغام میں کہا تمام سیاسی پارٹیوں اور اداروں کے ساتھ بات چیت کے لئے تیار ہوں۔
چیئرمین پی ٹی آئی سے ملاقات کے بعد لیگل ٹیم نے اٹک جیل کے باہر میڈیا سے گفتگو کرتے ہوئے کہا چیئرمین پی ٹی آئی تندرست اور مکمل فٹ ہیں، بیرسٹر شعیب شاہین کے مطابق چیئرمین پی ٹی آئی نے پیغام میں کہا ملک میں جب تک سیاسی استحکام نہیں آئے گا تب تک ملک ترقی نہیں کرسکتا۔
بیرسٹر شعیب شاہین نے مزید بتایا چیئرمین پی ٹی آئی نے پیغام میں کہا ملک میں عدالتوں کا احترام نہیں، چیئرمین پی ٹی آئی نے کہا کوئی ڈیل نہیں کی اس کی ترید کرتا ہوں، شعیب شاہین نے مزید بتایا چیئرمین پی ٹی آئی روزانہ ایک گھنٹہ ایکسرسائز کرتے ہیں۔
شعیب شاہین کے مطابق چیئرمین پی ٹی آئی نے پیغام دیا اپنے راستے سے نہیں ہٹوں گا، جن کے اثاثے باہر ہیں، ڈالر بڑھنے سے صرف انہی کو فائدہ ہوا، بجلی، گیس مہنگی پی ڈی ایم کی تشخیص کردہ حکومت نے کی ہے، میری سیاسی جہدوجہد اور قربانی اس قوم کے لئے ہے۔
عمران خان سے ملاقات ہو گئی ہے ،خان صاحب ٹھیک ہیں اور ہائی سپرٹ میں ہیں،خان صاحب کا واضح پیغام تھا کہ جب تک ملک کے اندر سیاسی استحکام نہیں آۓ گا تو ملک میں معاشی استحکام نہیں آ سکتا،اور الیکشن آئین کے مطابق نوے دن میں ہونے چائیے۔ خان صاحب ماشاءاللہ قران پاک اور دیگر ہسڑی کی کتابیں… pic.twitter.com/4p0ltt3MPo
— PTI (@PTIofficial) September 2, 2023
بیرسٹر گوہر نے میڈیا سے گفتگو کرتے ہوئے کہا چیئرمیں پی ٹی آئی نے پیغام میں مزید کہا تمام سیاسی پارٹیوں اور تمام اداروں سے بات چیت کے لئے تیار ہوں، بات چیت صرف اور صرف الیکشن پر ہوگی۔
