اوکاڑہ: (نیوز ڈیسک) دریائے ستلج کا دفاعی بند ٹوٹنے سے پورا علاقہ زیر آب آگیا، کھڑی فصلیں تباہ ہوگئیں۔
اوکاڑہ کے نواحی گاؤں کاونی کے مقام پر دفاعی بند ٹوٹا، پانی علاقہ مکینوں کے گھروں میں داخل ہوگیا، اہل علاقہ کھڑی فصلیں تباہ ہونے سے سکتہ میں آگئے۔
علاقہ مکینوں نے کہا انتظامیہ کی طرف سے ہمارے پاس ابھی تک کوئی عملہ نہیں آیا، کھلے آسمان تلے رہنے پر مجبور ہیں، ہمارے پاس کسی قسم کی مدد اور کھانا نہیں پہنچا۔
اہل علاقہ نے کہا پانی جس سپیڈ سے آبادیوں میں داخل ہو رہا ہے اگر اس کو نہ روکا گیا تو یہ تباہی مچا دے گا۔
