کراچی : (نیوز ڈیسک) تالاب میں نہاتے ہوئے دو سگے بھائیوں سمیت تین نوجوان ڈوب کر جاں بحق ہوگئے ۔
افسوسناک واقعہ گڈاپ سٹی مین پیش آیا جہاں تالاب میں نہاتے ہوئے تین نوجوان ڈوب گئے ،ریسکیو ٹیمیں موقع پر پہنچیں تو دو نوجوان ہلاک ہو چکے تھے جبکہ تیسرے کو تشویشناک حالت میں نکالا گیا جو ہسپتال میں دم توڑ گیا ۔
مرنے والوں میں دو سگے بھائی وقاص اور یوسف بھی شامل ہیں جبکہ تیسرے نوجوان کی شناخت شان کے نام سے ہوئی ہے، مرنے والوں کی عمریں 16 سے 22 سال کے درمیان ہیں۔
