آزادی کپ ٹین پن باﺅلنگ ٹورنامنٹ کل سے راولپنڈی میں شروع ہو گا

اسلام آباد (سپورٹس ڈیسک) پاکستان ٹین پن بائولنگ فیڈریشن نے آزادی کپ ٹین پن باﺅلنگ ٹورنامنٹ کل، پیر سےلیڑر سٹی بائولنگ کلب، جناح پارک، راولپنڈی میں شروع ہوگا۔
گزشتہ روز پاکستان ٹین پن بائولنگ فیڈریشن کے صدر اعجاز الرحمن نے بتایا کہ ٹورنامنٹ کی تیاریاں ابھی سے شروع کردی گئی ہیں اور ٹورنامنٹ میں ملک بھر سے مرد اور خواتین کھلاڑی حصہ لیں گی، انہوں نے کہا کہ ٹورنامنٹ میں آٹھ مختلف کیٹگریز کے مقابلے رکھے گئے ہیں جن میں مینز سنگلز ، مینزڈبلز، لیڈیز سنگلز، ایمچور، ڈیف، ٹیم ایونٹ،انٹر یونیورسٹی اور انٹر سکول کیٹگریز کے مقابلے شامل ہیں،ایونٹس میں شرکت کی خواہش رکھنے والے کھلاڑی اپنے ناموں کی رجسٹریشن 13 اگست صبح دس بجے تک کروا سکتے ہیں۔

ٹورنامنٹ کے ڈراز کا اعلان 13 اگست کو کیا جائے گا۔ٹورنامنٹ کے سیمی فائنل مقابلے 16 اگست کو جبکہ فائنل مقابلے 17 اگست کو کھیلے جائیں گے، ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔