ڈرائیور کی آنکھ لگنے کی وجہ سے مسافر بس الٹ گئی، حادثے میں 20 زخمی بھی ہوئے
راجن پور (نیوز ڈیسک) صوبہ پنجاب کے جنوب میں واقع شہر راجن پورکے قریب ڈرائیور کی نیند بس میں سوار 5 زائرین کی جان لے گئی، حادثے میں 20 زخمی بھی ہوئے۔ میڈیا رپورٹ کے مطابق راجن پور کے قریب فاضل پور میں ڈرائیور کی آنکھ لگنے کی وجہ سے زائرین کی بس الٹ گئی جس کے نتیجے میں 5 افراد موقع پر ہی جاں بحق ہو گئے۔ بتایا گیا ہے کہ سخی سرور سے جیکب آباد جانے والی بس راجن پور کے علاقے فاضل پور میں حادثے کا شکار ہوئی، اس بدقسمت حادثے میں جاں بحق ہونے والوں میں 2 بچے اور ایک خاتون بھی شامل ہیں جب کہ 20 افراد شدید زخمی ہوئے۔
30 جولائی 06:05 پہ
ریسکیو راجن پور کنٹرول روم کو کال موصول ہوئی کہ انڈس روڈ فاضلپور کے قریب سخی سرور سے آنے والے زائرین کی بس الٹ گئ، ریسکیو 1122 نے "21" افراد کو ریسکیو کرکے ہاسپٹل منتقل کردیا، اس افسوس ناک واقعہ میں 5 افراد موقع پر ہی جاں بحق ہوگے، ریسکیوآپریشن جاری ہے— Farooq Ahmad Rescue 1122 (@FarooqRescue) July 30, 2023
معلوم ہوا ہے کہ حادثے کے نتیجے میں جاں بحق افراد کی لاشوں اور زخمیوں کو ڈسٹرکٹ اور تحصیل ہسپتال فاضل پور منتقل کر دیا گیا، جن میں سے بعض زخمیوں کی حالت نازک بتائی گئی ہے۔
