اہلخانہ بارش کے باعث کمرے میں موجودتھے اچانک چھت زمین بوس ہو گئی، جاں بحق اور زخمیوں کو ہسپتال منتقل کر دیا گیا، ریسکیو حکام
کامونکی (نیوز ڈیسک) کامونکی میں شدید بارش کے باعث چھت گر گئی، ماں سمیت 3 افراد جاں بحق ہو گئے۔ ریسکیو حکام کے مطابق اہلخانہ بارش کے باعث کمرے میں موجودتھے اچانک چھت زمین بوس ہو گئی، جاں بحق اور زخمیوں کو ہسپتال منتقل کر دیا گیا۔ تفصیلات کے مطابق کامونکی کے نواحی علاقہ صالح پور میں بارش کے باعث مکان کی چھت گر گئی، چھت گرنے سے ملبہ دب گیا جس کے باعث ماں بیٹا اور بیٹی جاں بحق ہو گئیں۔
جاں۔بحق ہونے والوں میں 50 سالہ حنیفاں بی بی، اٹھارہ سالہ بیٹی لائبہ اور 20 سالہ بیٹا عادل شامل ہیں۔ اس سے قبل صوبائی دارالحکومت لاہور میں طوفانی بارش کے دوران دیوار گرنے سے 7 افراد زخمی ہوگئے، جنہیں ہسپتال منتقل کر دیا گیا۔** ریسکیو حکام کے بعد شوکت خانم روڈ پر طوطانی بارش کے دوران ریسٹورنٹ کی دیوار گرگئی،7 افراد زخمی ، اسپتال منتقل کر دیا گیا۔
لاہور کے مختلف علاقوں فیروزپورروڈ،کوٹ لکھپت،چونگی امرسدھواورماڈل ٹاؤن،گلبرگ، وحدت کالونی،رحمان پورہ،اچھرہ،ہربنس پورہ،مال روڈپرشدید بارش ہوئی۔ محکمہ موسمیات نے آج سے8جولائی تک مون سون بارشوں کی پیشگوئی کی ہے ۔ نیشنل ڈیزاسٹر مینجمنٹ اتھارٹی نےملک بھر میں مون سون بارشوں کے باعث نشیبی علاقوں میں اربن فلڈنگ اور پہاڑی علاقوں میں لینڈ سلائیڈنگ کا خدشہ ظاہر کیا ہے، اور موسمی صورتحال کے پیش نظر ضروری احتیاطی تدابیر اختیار کرنے کے حوالے سے ایڈوائزری جاری کر دی ہے۔
محکمہ موسمیات نے 3 سے 8 جولائی کے دوران ملک بھر میں مون سون بارشوں کی پیشگوئی کی ہے جس کے مطابق بحیرہ عرب سے مرطوب ہوائیں ملک کے بالائی علاقوں میں داخل ہو رہی ہیں ۔3 جولائی کو شام سے مغربی ہواؤں کا سلسلہ ملک کے بالائی علاقوں میں داخل ہو گا جس کے باعث3 جولائی شام سے 8 جولائی کے دوران ملک بھر میں موسلادھار بارش کا بھی امکان ہے۔ رپورٹ کے مطابق اس دوران اسلام آباد، راولپنڈی، مری، گلیات، اٹک، چکوال، جہلم، کشمیر، گلگت بلتستان، چترال، سوات، مانسہرہ، کوہستان، ایبٹ آباد، ہری پور، پشاور، مردان، صوابی، نوشہرہ، کرم، بنوں، لکی مروت، کوہاٹ، میانوالی، سرگودھا، حافظ آباد، منڈی بہائوالدین، سیالکوٹ، نارووال، لاہور، گوجرانوالہ، گجرات، شیخوپورہ، فیصل آباد، جھنگ اورٹوبہ ٹیک سنگھ میں تیز ہوائوں؍آندھی اورگرج چمک کے ساتھ بارش جبکہ بعض مقا مات پرتیز ؍موسلادھار بارش اور ژالہ باری کا بھی امکان ہے۔
رپورٹ کے مطابق 7 اور 8 جولائی کے دوران سکھر، جیکب آباد، گھوٹکی، شہید بینظیر آباد، لاڑکانہ، مٹھی، چھور، پڈعیدن، نگرپارکر، تھرپارکر، عمرکوٹ، سانگھڑ، میرپور خاص، دادو، ٹھٹھہ، بدین، حیدرآباد اور کراچی میں تیز ہواوں؍آندھی اورگرج چمک کے ساتھ بارش جبکہ چند مقا مات پرتیز ؍موسلادھار بارش کا بھی امکان ہے۔ 4 سے 7 جولائی کے دوران اسلام آباد، راولپنڈی، پشاور، گوجرانوالہ اورلاہور کے نشیبی علاقوں میں موسلا دھار بارش کے باعث اربن فلڈ نگ کا خدشہ ہے۔
حکام کا کہنا ہے کہ 5 سے 8 جولائی کے دوران بارکھان، لورالائی، سبی، نصیر آباد، قلات، خضدار، ژوب، لسبیلہ، آواران، موسی خیل، ڈی آئی خان، بنوں، کرک، وزیرستان، ڈی جی خان، راجن پور، ملتان، بھکر، لیہ، کوٹ ادو، بہاولپور، بہاولنگر، ساہیوال اوراوکاڑہ میں تیز ہواؤں اورگرج چمک کے ساتھ بارش جبکہ چند مقا مات پر موسلادھار بارش کا بھی امکان ہے۔
