اسلام آباد (میڈیا ڈسک) ڈاکٹر عافیہ صدیقی سے معافی کی پٹیشن پردستخط کرا لیے گئے۔ تفصیلات کے مطابق وزیر مملکت علی محمد خان نے پیر کے روز سینیٹ میں اظہار خیال کرتے ہوئے انکشاف کیا کہ امریکا میں قید ڈاکٹر عافیہ صدیقی سے معافی کی پٹیشن پر دستخط کرا لیے گئے ہیں۔ وفاقی وزیر کے مطابق عافیہ صدیقی کو خاندان سے بات کرنے کی اجازت ہے جبکہ حکومت کوشش کر رہی ہے کہ انہیں پاکستان واپس لایا جائے۔علی محمد خان کے مطابق امریکا میں ہمارا سفارت خانہ عافیہ صدیقی سے رابطے میں ہے۔ انہوں نے اپوزیشن کی تنقید کا جواب دیتے ہوئے کہا کہ نہ ہی وزیراعظم عمران خان اور نہ قوم عافیہ صدیقی کو بھولی ہے، لہذا ایسے معاملات کو سیاسی نہیں بنانا چاہیے۔ کچھ مجبوریاں ہیں لیکن عافیہ صدیقی کی صحت ٹھیک ہے، حکومت اس معاملے میں بے خبر نہیں ہے۔یہاں واضح رہے کہ گزشتہ برس سابق امریکی صدر ڈونلڈ ٹرمپ کے دور حکومت کے آخری ایام میں یہ خبر سامنے آئی تھی کہ ڈاکٹر عافیہ صدیقی نے رحم کی اپیل پر دستخط کر دیے ہیں۔ذرائع کی جانب سے انکشاف کیا گیا تھا کہ حکومت کی جانب سے کوشش کی گئی کہ ڈونلڈ ٹرمپ جاتے جاتے عافیہ صدیقی کیلئے عام معافی کا اعلان کر جائیں، تاہم انہوں نے ایسا نہیں کیا۔ پھر جوبائیڈن کے اقتدار میں آنے کے بعد حکومت نے عافیہ صدیقی کو رہائی دلوانے کیلئے نئے سرے سے کوششوں کا آغاز کیا تاہم کئی ماہ گزرنے کے بعد بھی اس حوالے سے کوئی خاطر خواہ پیش رفت نہ ہو سکی تھی۔ اب پیر کے روز وفاقی وزیر علی محمد خان کے دعوے کے مطابق عافیہ صدیقی نے معافی کی پٹیشن پر دستخط کر دیے ہیں۔ اس انکشاف کے بعد امکان ظاہر کیا جا رہا ہے کہ شاید اب عافیہ صدیقی کو پاکستان واپس لانا ممکن ہو جائے۔
سونے کی فی تولہ قیمت میں پھر اضافہ
ڈپریشن کی شکار بھارتی اداکارہ نے خودکشی کرلی
وزن یا ذیابیطس کے خدشے سے بے فکر ہوکر آم کھائیں مگر اعتدال میں
سعودی وزارت حج و عمرہ نے نسک سمارٹ کارڈ متعارف کرا دیا
اقرار الحسن کی دوسری اہلیہ نے شوہر کی تیسری شادی کی تصدیق کردی
مخصوص نشستوں کا معاملہ: سپریم کورٹ نے پشاور ہائیکورٹ کا فیصلہ معطل کر دیا
پاکستان اب امداد نہیں کاروبار پر توجہ دے رہا ہے: مصدق ملک
اسرائیل نے غزہ کے گنجان آباد ترین شہر رفح پر بڑے حملے کا آغازکردیا‘19فلسطینی ہلاک
اسلام آباد ہائیکورٹ کا چوہدری پرویزالٰہی کو ہاؤس اریسٹ کرنے کا حکم
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف