اسلام آباد (میڈیا ڈسک) ڈاکٹر عافیہ صدیقی سے معافی کی پٹیشن پردستخط کرا لیے گئے۔ تفصیلات کے مطابق وزیر مملکت علی محمد خان نے پیر کے روز سینیٹ میں اظہار خیال کرتے ہوئے انکشاف کیا کہ امریکا میں قید ڈاکٹر عافیہ صدیقی سے معافی کی پٹیشن پر دستخط کرا لیے گئے ہیں۔ وفاقی وزیر کے مطابق عافیہ صدیقی کو خاندان سے بات کرنے کی اجازت ہے جبکہ حکومت کوشش کر رہی ہے کہ انہیں پاکستان واپس لایا جائے۔علی محمد خان کے مطابق امریکا میں ہمارا سفارت خانہ عافیہ صدیقی سے رابطے میں ہے۔ انہوں نے اپوزیشن کی تنقید کا جواب دیتے ہوئے کہا کہ نہ ہی وزیراعظم عمران خان اور نہ قوم عافیہ صدیقی کو بھولی ہے، لہذا ایسے معاملات کو سیاسی نہیں بنانا چاہیے۔ کچھ مجبوریاں ہیں لیکن عافیہ صدیقی کی صحت ٹھیک ہے، حکومت اس معاملے میں بے خبر نہیں ہے۔یہاں واضح رہے کہ گزشتہ برس سابق امریکی صدر ڈونلڈ ٹرمپ کے دور حکومت کے آخری ایام میں یہ خبر سامنے آئی تھی کہ ڈاکٹر عافیہ صدیقی نے رحم کی اپیل پر دستخط کر دیے ہیں۔ذرائع کی جانب سے انکشاف کیا گیا تھا کہ حکومت کی جانب سے کوشش کی گئی کہ ڈونلڈ ٹرمپ جاتے جاتے عافیہ صدیقی کیلئے عام معافی کا اعلان کر جائیں، تاہم انہوں نے ایسا نہیں کیا۔ پھر جوبائیڈن کے اقتدار میں آنے کے بعد حکومت نے عافیہ صدیقی کو رہائی دلوانے کیلئے نئے سرے سے کوششوں کا آغاز کیا تاہم کئی ماہ گزرنے کے بعد بھی اس حوالے سے کوئی خاطر خواہ پیش رفت نہ ہو سکی تھی۔ اب پیر کے روز وفاقی وزیر علی محمد خان کے دعوے کے مطابق عافیہ صدیقی نے معافی کی پٹیشن پر دستخط کر دیے ہیں۔ اس انکشاف کے بعد امکان ظاہر کیا جا رہا ہے کہ شاید اب عافیہ صدیقی کو پاکستان واپس لانا ممکن ہو جائے۔
بشریٰ بی بی کی تشویشناک حد تک بگڑتی صحت سنجیدگی کی متقاضی ہے، چیئرمین پی ٹی آئی
تائیوان کے مشرقی علاقے میں 6.3 شدت کا زلزلہ
سیاسی پناہ گزینوں کو جلد روانڈا منتقل کیا جائے گا : رشی سونک
تہران پریورپ کی اضافی پابندیاں، ایرانی وزیرخارجہ کا اظہار افسوس
برطانیہ میں ٹرین ڈرائیوروں کا تنخواہ کے تنازع پر ہڑتال کا اعلان
حکومت بالکل ناکام ہو چکی، ان کو سارے کیسز واپس لینے ہوں گے، شیخ رشید احمد
کچے میں ڈکیتوں اورجرائم پیشہ افراد کے خلاف کارروائیاں، 4 ملزم گرفتار
ایف آئی اے سائبر کرائم کی کارروائی ، چائلڈ پورنو گرافی مواد شیئر کرنے میں ملوث ملزم گرفتار
کراچی : سی ویو کے ساحل پرنوجوان کی مبینہ خودکشی
راولپنڈی، خاتون کے قتل کا مقدمہ سسرالیوں کیخلاف درج