ملتان ڈویژنل باسکٹ بال ایسوسی ایشن کے زیر اہتمام نیشنل انٹر ڈویژن باسکٹ بال چیمپئن شپ کا آغاز

ملتان ( سپورٹس ڈیسک ) ملتان ڈویژنل باسکٹ بال ایسوسی ایشن کے زیر اہتمام نیشنل انٹر ڈویژن باسکٹ بال چیمپئن شپ کا آغاز ہو گیا۔ ڈسٹرکٹ سپورٹس گراؤنڈ ملتان میں افتتاحی روز چار میچز کھیلے گئے ، جن میں ہزارہ، گوجرانوالہ، ملتان اور سرگودھا ڈویژنز نے اپنے میچز جیت لئے۔ افتتاحی میچ میں ہزارہ ڈویژن نے کوہاٹ ڈویژن کو 46 پوائنٹس کے مقابلے میں 76 پوائنٹس شکست دی ۔
فاتح ٹیم کے صفی اللہ نے 23 اور وقاص خان نے 147 پوانٹس سکور کئے جبکہ کوہاٹ کے عتیق الرحمن نے 14 اور شعیب نے 10 پوائنٹس سکور کیے۔ دوسرے میچ میں گوجرانوالہ ڈویژن کی ٹیم نے کوئٹہ ڈویژن کی ٹیم کو ہرا دیا ۔گوجرانوالہ نے 81 پوائنٹس جبکہ کوئٹہ نے 54 پوائنٹس سکور کئے۔ تیسرا میچ میزبان ملتان ڈویژن اور ساہیوال ڈویژن کی ٹیموں کے درمیان ہوا جو دلچسپ اور سخت مقابلے کے بعد ملتان ڈویژن نے 54 کے مقابلے میں 85 پوائنٹس کے ساتھ جیت لیا۔ آخری میچ سرگودھا ڈویژن اور مردان ڈویژن کے درمیان کھیلا گیا جو سرگودھا نے 49 کے مقابلے میں 72 پوائنٹس سے اپنے نام کرلیا۔