نئی دہلی ( سپورٹس ڈیسک ) بھارت کرکٹ اینڈ کنٹرول بورڈ (بی سی سی آئی)کے اعلامیے کے مطابق بھارت کی مردوں کی قومی کرکٹ ٹیم آئندہ ماہ جنوبی افریقا کا دورہ کرے گی ۔بھارتی کرکٹ ٹیم اپنے دورہ جنوبی افریقا کے دوران میزبان ٹیم کے خلاف چار بین الاقوامی ٹی ٹونٹی میچوں کی سیریز کھیلے گی۔
بھارت اور جنوبی افریقا کی ٹیموں کے درمیان 4 ٹی ٹونٹی کرکٹ میچوں کی سیریز کا آغاز 8نومبر کو میچ سے ہوگا یہ میچ کنگسمیڈ،ڈربن میں کھیلا جائے گا، دوسرا ٹی ٹونٹی میچ 10نومبر کو سینٹ جارج پارک،کیبیخا میں کھیلا جائے گا،تیسرا ٹی ٹونٹی میچ13 نومبر کو سپر سپورٹس پارک،سنچورین میں کھیلا جائے گاجبکہ چوتھا اور آخری ٹی ٹونٹی میچ 15 نومبر کو وانڈررز اسٹیڈیم، جوہانسبرگ میں کھیلا جائے گا۔
