پیرس (این این آئی)فرانس میں جاری پیرا لمپکس کے جیولین تھرو مقابلے میں ایران کے صادق بیت صیا کو قابلِ اعتراض پرچم لہرانے پر ڈس کوالیفائی کردیا گیا۔ بین الاقوامی خبر رساں ادارے کے مطابق ایرانی اتھلیٹ نے 47.64 میٹر کی تھرو پھینک کر پیرا اولمپک ریکارڈ کے ساتھ طلائی تمغہ جیتا۔ جیت کے جشن کے دوران قابلِ اعتراض پرچم لہرانے پر انہیں میڈل سے محروم کردیا گیا۔
اس حوالے سے پیرا اولمپک کی قانونی کمیٹی کا اپنے ایک بیان میں کہنا تھا کہ صادق بیت صیا کو غیر مناسب طرز اور جھنڈا دکھانے پر ایونٹ سے باہر کردیا گیا ہے۔ایرانی ایتھلیٹ کی جگہ جیولین تھرو مقابلے میں دوسرے نمبر پر آنے والے بھارت کے نودیپ سنگھ کو گولڈ میڈل سے نوازا گیا۔ ہریانہ سے تعلق رکھنے والے 23 سالہ پیرا ایتھلیٹ نودیپ سنگھ نے 47.32 کی جیولین تھرو کی تھی۔دوسرے نمبر پر چین کہ سن پیڑیانگ رہے جنہوں نے سلور میڈل حاصل کیا جبکہ عراق کے نخیلاوی ولڈان نے کانسی کا تمغہ جیتا۔
