افسوسناک واقعہ کھڑیانوالہ کے قریب اس وقت پیش آیا جب ایک کار بجری سے لدے ٹرک کے قریب سے گزر رہی تھی کہ ٹرک ٹکر مارنے کے بعد کار پر ہی الٹ گیا،جاں بحق افراد کی شناخت نعمان اور یاسر کے نام سے ہوئی
فیصل آباد( نیوز ڈیسک ) فیصل آباد میں بجری سے لدا ڈمپر کار پر الٹ جانے کے نتیجے میں تین افراد جاں بحق ہو گئے، ریسکیو اہلکاروں نے تینوں افراد کی لاشیں نکال کر ہسپتال منتقل کر دیں،جاں بحق افراد کی شناخت نعمان اور یاسر کے نام سے ہوئی ہے۔تفصیلات کے مطابق افسوسناک واقعہ فیصل آباد میں کھڑیانوالہ کے قریب اس وقت پیش آیا جب ایک کار بجری سے لدے ٹرک کے قریب سے گزر رہی تھی کہ ٹرک ٹکر مارنے کے بعد کار پر ہی الٹ گیاجس کے نتیجے میں کار سوار موقع پر ہی جاں بحق ہوگئے۔
اطلاع ملنے پر ریسکیو اہلکاروں نے موقع پر پہنچ کر کرین کی مدد سے ڈمپر کے نیچے سے تینوں لاشوں کو ملبے سے نکالا اور تحصیل ہیڈ کوارٹر اسپتال چک جھمرہ منتقل کر دیا۔حادثے کے بعد ڈمپر کا ڈرائیوراور کنڈیکٹر موقع سے فرار ہوگیا ۔
پولیس نے ڈمپر قبضے میں لیکر مزید قانونی کارروائی کا آغاز کر دیاہے۔خیال رہے کہ چند روز قبل جامشورو اور گھوٹکی میں 2 مختلف ٹریفک حادثات میں 6 افراد جاں بحق اور 10 سے زائد افراد شدید زخمی ہوگئے تھے۔
