انم عزیر اور عمار بٹ سبمٹ کے دوران فراسٹ بائٹ اور سنو بلینڈنس کا شکار ہوئے تھے
سکردو ( نیوز ڈیسک ) پاک آرمی ایوی ایشن کے ہیلی کاپٹر کے ذریعے پاکستانی کوہ پیماؤں کا کامیاب ریسکیو آپریشن کیا گیا، پاک آرمی نے پاکستانی کوہ پیماؤں کو ریسکیو کیا۔
نجی ٹی وی کے مطابق گزشتہ دن 4 پاکستانیوں کی ٹیم نے کامیابی کے ساتھ 8051 میٹر بلند دنیا کی 12 بلند ترین چوٹی براڈ پیک سر کیا جن میں انم عزیر اور عماربٹ بھی شامل تھے ، انم عزیر اور عمار بٹ سمٹ کے دوران فراسٹ بائٹ اور سنو بلینڈنس کا شکار ہوئے جس کے بعد ان کی جانب سے پاکستان آرمی سے ریسکیو کے لئے اپیل کی جس کی اطلاع ملتے ہی پاک آرمی ایوی ایشن کے ہیلی کاپٹر نے دونوں کو ریسکیو کیا۔
کوہ پیماؤں نے پاک آرمی کا شکریہ ادا کیا جس نے انسانی ہمدردی کے بناء پر فوراً انہیں ریسکیو کر کے علاج معالجے کے لیے سکردو پہنچایا۔
