راولپنڈی(نیوز ڈیسک) یوم پاکستان پر شکرپڑیاں پریڈ گراونڈ میں افواج پاکستان کی مشترکہ پریڈ کی تیاریاں شروع کر دی گئیں،یوم پاکستان پریڈ میں تینوں مسلح افواج کے ساتھ رینجرز، ایف سی اور پولیس کے دستے بھی حصہ لیں گے،یوم پاکستان پریڈ میں خواتین کی بھرپور نمائندگی بھی دکھائی دے گی،پریڈ میں پاکستان کی مسلح افواج کے جدید ترین جنگی ہتھیار بھی سلامی پیش کرتے دکھائی دیں گے،پاکستان ائیرفورس کے جدید ترین جے ٹین سی، جے ایف17تھنڈرز اور ایف 16 فلائی پاسٹ کا مظاہرہ کریں گے،وفاقی اکائیوں کی خوبصورت اور متنوع ثقافت کی نمائندگی کرنے والے روایتی فلوٹس بھی پریڈ کا حصہ بنیں گے۔
