اسلام آباد (نیوز ڈیسک) کراچی ایئرپورٹ پر روڈ ٹو مکہ پراجیکٹ کی سہولیات کا جائزہ لینے کیلئے اعلیٰ سطح کا سعودی وفد پاکستان پہنچ گیا۔
وزارت کے ترجمان کے مطابق سیکرٹری مذہبی امور ڈاکٹر سید عطاء الرحمن، جوائنٹ سیکرٹری حج سجاد حیدر یلدرم، ڈائریکٹر حج گلزار سومرو و دیگر نے کراچی ایئرپورٹ آمد پر معزز مہمانوں کا پرتپاک استقبال کیا۔ واضح رہے کہ رواں سال پاکستانی عازمین حج کو روڈ ٹو مکہ کی سہولت اسلام آباد کے ساتھ ساتھ کراچی ایئرپورٹ سے بھی شروع کی جا رہی ہے۔
