راولپنڈی (نیوز ڈیسک) سی ای او راولپنڈی ویسٹ مینجمنٹ کمپنی رانا ساجد صفدر کی ہدایت پر ٹیکسلا میں صفائی پر مامور راولپنڈی ویسٹ مینجمنٹ کمپنی کے ورکرز کو گرم یونیفارم،جیکٹس اور شوز فراہم کئے گئے ہیں۔اس موقع پر اظہار خیال کرتے ہوئے چیف آفیسر بلدیہ ہینسن کرامت نے کہا کہ اس سخت سرد موسم اور دھند میں صفائی پر مامور ورکرزکی حفاظت کیلئے راولپنڈی ویسٹ مینجمنٹ کمپنی کی طرف سے گرم یونیفارم،جیکٹس اور شوز دئیے جارہے ہیں، اس احسن اقدام کو سراہتے ہیں اور ورکرز کو بھی خراج تحسین پیش کرتے ہیں کہ وہ اس سرد موسم،دھند اور سموگ کے حالات میں بھی ٹیکسلا شہر کو صاف ستھرا،زیرو ویسٹ اور سموگ فری بنانے کیلئے صفائی میں مصروف عمل ہیں۔
انہوں نے کہا کہ راولپنڈی ویسٹ مینجمنٹ کمپنی کے ورکرز شہر کو صاف رکھنے کیلئے اسی طرح اپنی محنت جاری رکھیں اور شہر کو صاف رکھنے میں اپنی تمام تر کوشش کریں،انشاء اللہ ہم سب ملکر زیرو ویسٹ اور سموگ فری ٹیکسلا کا ٹاسک پورا کر کے دکھائینگے،شہری بھی ان ورکرز کے کام میں آسانی کیلئے ان سے تعاون کریں، کوڑا کرکٹ کوڑادان تک پہنچائیں،ورکرز کے کام میں آپ کا تعاون راولپنڈی کو صاف رکھنے میں مددگار ثابت ہو گا،ساتھ ہی ان ورکرز کے کام کی اچھے الفاظ میں تعریف کرکے انکی حوصلہ افزائی کریں تاکہ یہ مزید توانائی اور لگن کیساتھ اپنا کام کریں اور شہر کو صاف ستھرا اور شہریوں کو بیماریوں اور ماحولیاتی تبدیلیوں کے مضر اثرات سے بھی محفوظ رکھیں۔
