کوالالمپور: (انٹرنیشنل ویب ڈیسک ) انڈونیشیا کے سماٹرا میں ماؤنٹ میراپی آتش فشاں پھٹنے سے 11کوہ پیما ہلاک ہوگئے جبکہ 12 لاپتہ ہیں ۔ خبر ایجنسی اے ایف پی کے مطابق انڈونیشیا کے مغربی سماٹرا میں ماؤنٹ میراپی آتش فشاں پھٹنے کے بعد11 سیاحوں کی لاشیں برآمد کرلی گئیں جبکہ تین افراد زخمی ہوئے ہیں اور 12 کوہ پیما لاپتہ ہوگئے ۔
اس حوالے سے سرچ اینڈ ریسکیو ایجنسی کاکہنا ہے کہ ہفتے سے پہاڑ پر کل 75 مسافر موجود تھے جن میں سے 26 افراد کو باہر نہیں نکالا گیا، 14 میں سے 11 ہلاک اور تین افراد زخمی ہوئے ہیں۔
ویسٹ سماٹرا ڈیزاسٹر میٹیگیشن ایجنسی کے سربراہ کاکہنا ہے کہ شدید گرمی کے باعث جھلس کر زخمی ہونے والےافراد کو طبی امداد فراہم کی جا رہی ہیں۔
رپورٹ کے مطابق گزشتہ روز مغربی انڈونیشیا میں ماؤنٹ ماراپی پر آتش فشاں پھٹنے کے باعث پہاڑی علاقے میں رہنے والے متعدد افراد نقل مکانی پر مجبور ہوگئے ، آتش فشاں پھٹنے کے بعد تین کلومیٹر کی راکھ کا ستون خارج ہوا ، جس کی وجہ سے حکام نے اس گڑھے کے ارد گرد ایک خارجی زون قائم کیا ہے۔
2,891 میٹر کی بلندی پر واقع ماؤنٹ میراپی کو انڈونیشیا اور جاوا میں فائر ماؤنٹین کہا جاتا ہے۔
وسطی جاوا اور یوگیاکارتا صوبوں کے درمیان سرحد پر واقع یہ انڈونیشیا میں سب سے زیادہ فعال آتش فشاں سمجھا جاتا ہے اور سنہ 1548 سے باقاعدگی سے پھٹ رہا ہے۔
