انٹربینک میں روپے کی قدر میں اضافہ، ڈالر مزید سستا ہوگیا

اسلام آباد (نیوزڈیسک) روپے کے مقابلے ڈالر کی قدر میں مسلسل کمی ، انٹربینک میں ڈالر مزید سستا ہوگیا۔کاروباری ہفتے کے تیسرے روز بھی انٹربینک میں ڈالر کی قیمت میں 67 پیسے کی کمی ہوئی جس کے بعد انٹربینک میں امریکی ڈالر 285 روپے 13 پیسے پر بند ہوا ہے۔

یاد رہے کہ گزشتہ کاروباری ہفتے کے آخری روز کے اختتام پر انٹربینک میں امریکی ڈالر 285 روپے 79 پیسے پر بند ہوا تھا۔دوسری جانب اوپن مارکیٹ میں بھی ڈالر کی قیمت میں کمی ریکارڈ کی گئی، اوپن مارکیٹ میں ڈالر 25 پیسے کی کمی کے ساتھ 286 روپے 75 پیسے میں فروخت ہو رہا ہے۔