خان یونس: (انٹرنیشنل ویب ڈیسک) غزہ میں الشفا ہسپتال حملے میں شہید ہونیوالے 100 سے زائد فلسطینیوں کی لاشوں کو ایک اجتماعی قبر میں دفن کردیا گیا۔
عالمی خبر رساں ادارے کے مطابق یہ لاشیں مبینہ طور پر الشفا ہسپتال پر اسرائیلی قبضے کے بعد وہاں سے ملی تھیں، یہ لاشیں بری طرح گل سڑ گئی تھیں جن میں خواتین اور بچوں کی لاشیں بھی شامل تھیں۔
ان لاشوں میں سے بعض بری طرح جلی ہوئی تھی، کچھ کو الیکٹرک شاٹ دیئے گئے تھے اور کچھ دھماکے اور گولیوں سے بری طرح چھلنی تھیں، چہرے مسخ تھے اور شناخت ممکن نہ تھی۔
Israel is making mass graves in Gaza. Imagine if you were one of them or saying goodbye to one of them #USA #Germany #Italy #French #Spain #Canada #Sweden #Russia #China #Britain #British #world #people #HumanRights #ısraelCriminalWar #ısraelTerrorism #GazaGenocide #Palestine ???????? pic.twitter.com/hjVBaUkBFb
— ????????سماح فايز جلاد???????? (@samahaljallad) November 22, 2023
اسرائیل کے مسلسل حملوں میں طبی مراکز کے تباہ ہونے کے باعث صحت کا نظام درہم برہم ہوگیا ہے جس کے باعث ان لاشوں کی سائنسی اور طبی بنیاد پر شناخت کا عمل بھی مکمل نہ ہوسکا تھا۔
یاد رہے کہ 7 اکتوبر سے غزہ پر جاری اسرائیلی بمباری میں شہید ہونے والے فلسطینیوں کی تعداد 14 ہزار سے زائد ہوگئی ہے جب کہ 25 ہزار سے زائد زخمی ہیں۔
