اسلام آباد (این این آئی)چین کے معروف برانڈ ڈونگ فینگ سوکون اور ریگل آٹوموبائلز نے پاکستان میں اپنی پہلی الیکٹرک وہیکل سیرس 3 لانچ کر دی۔میڈیا رپورٹ کے مطابق چینی کمپنی برانڈ ڈونگ فینگ سوکون اور ریگل آٹوموبائلز نے پاکستان میں اپنی پہلی الیکٹرک وہیکل سیرس 3 لانچ کر دی ہے، یہ لانچ ایندھن کی بڑھتی لاگت سے نمٹنے اور ملک میں الیکٹرک کاروں کی طرف توجہ مرکوز کرنے میں ایک اہم قدم ہے۔
کمپنی کے مطابق مقامی طور پر اسمبل ہونے والے سیرس 3 کی قیمت 91لاکھ 99 ہزار روپے ہے، مکمل طور پر بلٹ اپ سیرس 3 ایک کروڑ روپے سے زائد میں فروخت ہو رہا تھا، توقع ہے کہ گاڑی 24 مارچ 2024 تک فراہم کردی جائے گی۔
