دونوں ملزمان زیرحراست، اس سے قبل بھی اسی طرح کی واردات کا اعتراف
واشنگٹن(انٹرنیشنل ڈیسک) امریکا کے شہر میامی کے ایئرپورٹ پر عملے کے افراد کی مسافروں کے سامان سے پیسے اور قیمتی چیزیں چوری کرنے کی ویڈیو سامنے آگئی۔
امریکی میڈیا کے مطابق عملے کے 2 افراد نے 29 جون کو مسافروں کے بیگ سے 600 ڈالر اور دیگر چیزیں چوری کیں۔ ملزمان ایکس رے مشین سے سامان گزرنے کے عمل کے دوران مسافروں کے سامان سے پیسے چوری کرتے تھے۔دونوں ملزمان حراست میں ہیں اور انہوں نے اس سے قبل بھی اسی طرح کی واردات کرنے کا اعتراف کیا ہے۔
