کراچی: (کامرس ڈیسک) پاکستان میں سونے کی قیمتوں میں مسلسل کمی کے بعد آج بڑا اضافہ دیکھا گیا۔
بین الاقوامی مارکیٹ میں فی اونس سونے کی قیمت 15 ڈالر کم ہوکر 1911 ڈالر ہوگئی جبکہ پاکستان میں فی تولہ سونے کی قیمت میں 5 ہزار 600 روپے اور فی دس گرام سونے کی قیمت میں 5 ہزار 58 روپے کا اضافہ ریکارڈ کیا گیا۔
قیمتوں میں اضافہ کے باعث مقامی صرافہ بازاروں میں فی تولہ سونے کی قیمت 2 لاکھ 15 ہزار روپے اور فی دس گرام سونے کی قیمت ایک لاکھ 84 ہزار 585 روپے ہوگئی ہے۔
خیال رہےکہ ملک میں گزشتہ چند روز کےدوران سونا 30 ہزار روپے سے زائد سستا ہوا جس کے بعد آج یکدم دوبارہ مہنگا ہوگیا۔
