کراچی: (کامرس ڈیسک) عالمی مارکیٹ میں سونے کی قیمتوں میں کمی کے باعث پاکستان میں سونے کے نرخوں میں ریکارڈ کمی واقع ہوئی۔
بین الاقوامی مارکیٹ میں فی اونس سونے کی قیمت 5 ڈالر کمی کے ساتھ 1926 ڈالر ہوگئی جبکہ پاکستان میں فی تولہ سونے کی قیمت میں 10 ہزار 500 روپے اور فی 10 گرام سونے کی قیمت میں 9 ہزار 2 روپے کی ریکارڈ کمی واقع ہوئی۔
قیمتوں میں بڑی کمی کے باعث مقامی صرافہ بازاروں میں فی تولہ سونے کی قیمت 2 لاکھ 22 ہزار 300 روپے ہوگئی جبکہ فی دس گرام سونے کی قیمت ایک لاکھ 90 ہزار 586 روپے ہوگئی۔
