منیلا (انٹرنیشنل ڈیسک) فلپائن کے صوبے رومبلون میں ایک مسافر کشتی ڈوبنے سے ایک مسافر ہلاک ہوگیا جبکہ دیگر 94مسافروں کی تلاش جاری ہے۔
چینی خبررساں ادارے کے مطابق فلپائن کے کوسٹ گارڈ (پی سی جی) نے ایک بیان میں بتایا کہ ایک موٹر بوٹ جس میں عملے کے5افراد سمیت 95 افراد سوار تھے ۔رومبلون کے جزیرے تبلاس سے کورکویرا کی طرف جا تے ہوئے حادثے کا شکار ہوگئی ہے۔انہوں نے بتایا کہ ریسکیو اہلکاروں نے ایک شخص کی لاش پانی سے نکالی ہے تاہم دیگر 94افراد کی تلاش اور بچاؤ کی کارروائیاں جاری ہیں۔
